August 2, 2025
5G Store by Hassan Communications
- Free Shipping on All Orders!
Aaj kal har kisi ko fast aur stable internet ki zarurat hoti hai. Lekin aksar log confused hotay hain k mobile hotspot use karein ya 4G router lein? Is blog me hum dono ka mukabla karein ge aur aapko batayen ge k kis situation me kya behtar hota hai.
Mobile hotspot wo hota hai jab aap apne smartphone ka internet kisi aur device ko share karte hain. Aaj kal har Android ya iPhone me ye feature hota hai.
4G router aik hotspot Device Hota ha jo k dedicated hai mtlb isme mobile phone ki tarah zyada kaam apps nahi hoty just 4G SIM insert kar k internet provide karta hai yehi iska main function ha is iska sirf yehi aik kaam ha is liye behtar tareqy se anjaam deta ha. Ye WiFi signals create karta hai jese PTCL ka modem ya fiber modem karta hai, lekin SIM ke zariye.
Huawei B310s-927 (Cat 4)
Huawei B525s-65a (Cat6 )
ZLT X20 ( Cat 18 )
Huawei B818 ( Cat 19 )
| Feature | Mobile Hotspot | 4G Router |
|---|---|---|
| Speed | Medium (depends on phone) | High (specially 4G+ routers) |
| Range | Kam (1-2 kamray) | Zyada (3-4 kamray ya zyada) |
| Users | 3-5 users tak stable | 10-32 users (model per depend karta) |
| Stability | Kabhi kabhi drop hota hai | Long-term stable connection |
| Battery Impact | Mobile garam hota hai, battery drain tez | Power supply se chalta hai, koi battery effect nahi |
| Signal Strength | Internal antenna | External ya powerful antennas |
Mobile se hotspot on karne se phone garam hota hai, battery jaldi khatam hoti hai aur kai dafa usage ke darmiyan net disconnect ya speed drop hoti hai. Ye short-term usage ke liye theek hai, lekin long-term ke liye nahi.
Haan, kuch high-end flagship phones (jese Samsung S24 Ultra ya iPhone 15 Pro Max) me powerful modems hotay hain jo low-end router se behtar performance de sakte hain.
Misal ke tor par:
Agar aap ke paas Huawei E5172 router hai (jo sirf basic 4G Cat4 hai) aur aap ka phone 4G+ Cat18 support karta hai, to phone se speed behtar mil sakti hai.
Lekin yeh sirf rare cases me hota hai. Generally router zyada stable aur behtar hota hai.
Tip: Hamesha 4G+ ya LTE Advanced router lein jese ke B535, B618, B818 ya ZLT X21 etc. Ye routers high performance dete hain aur aap ke data ka pura faida uthate hain.
Agar aap apne liye best 4G+ router lena chahte hain, to 5gstore.pk par visit karen – yahan har price range me best models available hain.
